Svo virðist sem það sé hreinilega vonlaust að fá maðk þessa dagana og á það við um allt landið. Við ræddum við veiðimenn sem hafa reynt og reynt en lítið gengið.

,,Ég náði mér í 25 maðka og verðið var 200 kall fyrir stykkið, fékk ekki meira,“ sagði veiðimaður sem var á leiðinni í Borgarfjörð að veiða. Hann hafði nokkra maðka með sér og eins gott að ekki yrðu miklar afætur í ánni.

,,Staðan er bara þannig að það er enginn maðkur til og hefur verið lengi. Ég fór að tína í gærkveldi og einnig kvöldið áður og hafði ekki einn einasta maðk upp úr krafsinu,, sagði maðkatínari sem við ræddum við. Hann hefur ekki átt maðk í einhverjar vikur.

Það er eitthvað til að plastmaðki í veiðibúðunum en ekki víst að hann virki neitt. Um helgina er spáð einhverjum smá skúrum.