Ingólfur Kolbeinsson fór til veiða á Arnarvatnsleiðina um helgina og gekk mjög vel bæði í bleikju og urriða.
,,Ferðin gekk vel og þetta var fiskur í öllum stærðum, yfirleitt mjög vel haldinn, og sterkur,“ sagði Ingólfur Kolbeinsson í samtali við Veiðipressuna og hélt áfram að segja okkur frá veiðitúrnum.
,,Arnarvatnsheiðin kemur vel undan vetri veiðilega séð. Ég heyrði af fleiri mönnum sem voru við veiðar um helgina á svæðinu og veiddu þeir vel og víða t.d. á Úlfsvatni, Arnavatninu litla, Refssveinu og víðar. Aðstæður voru sérlega góðar um helgina,“ sagði Ingólfur sem veiddi mest á straumflugur.