fbpx
Mánudagur 15.september 2025

Skipa þarf strax opinbera rannsóknarnefnd

Ritstjórn Pressunnar
Föstudaginn 31. ágúst 2018 10:40

Ekki missa af Helstu tíðindum dagsins í pósthólfið þitt

Lesa nánar

Flestir eru hættir að kippa sér upp við vondar fréttir af framkvæmdum við Vaðlaheiðargöng, en þó má segja að nýjustu tíðindi af margra milljarða aukakostnaði við hin fyrirhuguðu göng gangi fram af skattgreiðendum sem aldrei fyrr.

Hafist var handa með Vaðlaheiðargöng í einkaframkvæmd þótt alltaf hafi verið ljóst að ríkið sæti upp með reikninginn. Mesta forystu um framkvæmdina höfðu Kristján L. Möller, fyrrverandi ráðherra Samfylkingarinnar, og Steingrímur J. Sigfússon, þáverandi formaður Vinstri grænna og núverandi forseti Alþingis. Að sjálfsögðu er tilviljun ein, að göngin tilheyri kjördæmi beggja.

Að setja Vaðlaheiðargöng í einkaframkvæmd var leið sem þeir félagar völdu til þess að koma framkvæmdinni fram fyrir röðina í vegamálum á kostnað miklu brýnni umbóta í samgöngumálum.

Lengi hefur verið ljóst að spár um notkun ganganna væru byggðar á gríðarlegri bjartsýni, ef ekki hreinni óskhyggju, en fljótt kom í ljós að kostnaðaráætlanir voru sama marki brenndar. Síðan hefur ekki staðið steinn yfir steini í þeim efnum og löngu orðið ljóst að framúrkeyrslan nemur mörgum milljörðum króna.

Beiðni Vaðlaheiðarganga hf. um frekara fjármagn var þunglega tekið af Bjarna Benediktssyni fjármálaráðherra í vikunni — eðlilega. Þegar ríkið féllst fyrir tveimur árum á auknar fjárveitingar til verkefnisins, var það gert í trausti þess að þar með yrði hægt að klára göngin, en það er öðru nær.

Hneykslið kringum Vaðlaheiðargöng er risastórt á íslenskan mælikvarða og þarf að rannsaka fyrir opnum tjöldum. Áður en ríkið setur eina krónu til viðbótar í verkefnið þarf að skipa opinbera rannsóknarnefnd sem heldur opna fundi og birtir niðurstöður sínar opinberlega. Ekki eins og síðast þegar spillingin kringum göngin toppaði sig með því að Friðrik Friðriksson, sem átti að vera óháður úttektaraðili á vegum ráðherra, varð óvænt stjórnarformaður fyrirtækisins sem hyggst eiga og reka göngin á sama tíma og hann vann að rekstrarúttekt sinni. Hvað ætli þögn hans hafi kostað marga silfurpeninga?

Setja þarf hlutafélagið um Vaðlaheiðargöng í þrot og láta ríkið fá eignarhald á þeim yfir áður en lengra er haldið. Framkvæmdin um göngin var aldrei nein einkaframkvæmd og það vissu bæði Steingrímur J. Sigfússon og Kristján L. Möller. Við þessu ráðslagi varaði Ögmundur Jónasson kröftuglega en fáir hlustuðu — því miður.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

433Sport
Fyrir 4 klukkutímum

Skrif Gunna Helga um vælukjóa frá Akureyri vekja athygli – „Skiptir auðvitað engu máli núna“

Skrif Gunna Helga um vælukjóa frá Akureyri vekja athygli – „Skiptir auðvitað engu máli núna“
433Sport
Fyrir 5 klukkutímum

Ætlar ekki að sætta sig við það að vera varaskeifa hjá Liverpool

Ætlar ekki að sætta sig við það að vera varaskeifa hjá Liverpool
Fókus
Fyrir 6 klukkutímum

Sjaldséð sjón: Mary-Kate og Ashley létu sjá sig

Sjaldséð sjón: Mary-Kate og Ashley létu sjá sig
Fókus
Fyrir 6 klukkutímum

FKA konur í laxveiði – kraftur, gleði og maríulaxar

FKA konur í laxveiði – kraftur, gleði og maríulaxar
Fréttir
Fyrir 8 klukkutímum

Hryllingurinn við Skyggnisbraut fyrir dóm – Hamed ákærður fyrir manndrápstilraun

Hryllingurinn við Skyggnisbraut fyrir dóm – Hamed ákærður fyrir manndrápstilraun
Fréttir
Fyrir 8 klukkutímum

Vendingar í stóra skákborðsmálinu – Páli í Pólaris gert að greiða hálfa milljón í viðbót

Vendingar í stóra skákborðsmálinu – Páli í Pólaris gert að greiða hálfa milljón í viðbót
Fréttir
Fyrir 8 klukkutímum

Er þétta lélegasti svikapóstur undanfarinna missera? – „Þú ert undirorpinn ýmsum lagalegum málsmeðferðum“

Er þétta lélegasti svikapóstur undanfarinna missera? – „Þú ert undirorpinn ýmsum lagalegum málsmeðferðum“
433Sport
Fyrir 9 klukkutímum

Elon Musk bálreiður vegna viðbragða við ummælum stjörnunnar um Charlie Kirk

Elon Musk bálreiður vegna viðbragða við ummælum stjörnunnar um Charlie Kirk
Fréttir
Fyrir 10 klukkutímum

Fékk handskrifaðan miða og 5000 kr. fyrir leigubíl áður en hann sótti dularfullan myndaramma á pósthúsið

Fékk handskrifaðan miða og 5000 kr. fyrir leigubíl áður en hann sótti dularfullan myndaramma á pósthúsið