Þú hefur örugglega geispað mörg þúsund sinnum án þess að hugsa nánar út í geispann. Andar djúpt að þér, geispar og svo er geispinn afstaðinn. Virðist ekki skipta neinu máli en það gerist meira í kollinum á okkur, þegar við geispum, en vísindamenn töldu áður fyrr.

Niðurstöður nýrrar rannsóknar sýna að geispi er ekki bara merki um þreytu, heldur hefur hann áhrif á heilann á veg sem líkist ekki almennri öndun.

Vísindamenn við University of New South Wales í Ástralíu rannsökuðu 22 heilbrigðar manneskjur sem fóru í segulómun á höfði og hálsi.

Fólkið var skannað á meðan það geispaði og andaði djúpt þannig að hægt væri að bera viðbrögð líkamans saman.

Vísindamennirnir reiknuðu með að geispi og djúpur andardráttur myndu gefa næstum sömu niðurstöðuna. En þannig var það ekki, niðurstöðurnar voru gjörólíkar og breyttu skilningi vísindamannanna á því hvað geispi gerir.

Þegar þátttakendurnir geispuðu fór heilavökvinn frá heilanum á hátt sem hefur ekki sést við djúpa öndun. Blóðflæðið úr heilanum jókst á sama tíma en það bendir til að geispi sé sérstakt taugafræðilegt ferli, ekki bara stór innöndun. Vísindamennirnir telja að geispi geti gegnt hlutverki við að koma jafnvægi á í heilanum, meðal annars með því að hafa áhrif á hitastjórnun hans.

Biorvix og Unilad skýra frá þessu.