Kona ein birti færslu á Reddit þar sem hún skýrði frá málinu sem er hið undarlegasta. Konan segir að hún hafi farið með eiginmanninum heim til foreldra hans í fyrsta sinn en hún hafði aldrei áður komið í bæinn sem þau bjuggu í.
„Þetta var í fyrsta sinn sem ég gisti hjá þeim. Allt gekk vel þar til ég komst að því að tengdafaðir minn er striplingur. Hann var nakinn að horfa á sjónvarpið þegar ég kom heim með eiginmanni mínum.“
Eiginmaður hennar hafði aldrei sagt henni frá þessu áhugamáli eða hvöt föður síns. Konan lýsir síðan áframhaldandi hremmingum sínum:
„Toppurinn á ísjakanum var síðan að þegar hann var búinn í sturtu gekk hann bara nakinn um húsið inn í þvottahús. Hann var ekki einu sinni með handklæði. Ég sagði manninum mínum að mér þætti mjög óviðeigandi.“
En viðbrögð eiginmannsins voru henni ekki að skapi því hann sagði að hegðun föðursins væri „mjög venjuleg“.
„Ég sagði tengdaföður mínum að mér þætti það virðingarleysi að hann gæti ekki verið í fötum innan um aðra. Þetta endaði með deilum þar sem hann sagði í sífellu að þetta væri húsið hans og hann gæti gert það sem hann vildi þar. Ég sagði nóg komið og fór á hótel og flaug síðan heim. Maðurinn minn sagði að ég væri að bregðast of harkalega við og studdi mig ekki.“
Þá er spurningin hvað hefðir þú gert ef þú hefðir verið í stöðu þessarar konu?
