Hver er talan? Þetta er kannski ekki mest kynæsandi umræðuefnið en þegar munngælur og krabbamein koma fyrir í sömu setningunni, þá leggja flestir við eyrun og það ekki að ástæðulausu. Breskur læknir segir að þegar ákveðnum fjölda rekkjunauta, sem munnmök eru stunduð með, er náð, aukist líkurnar á að fá krabbamein í háls mikið.

Þetta snýst um blöndu af HPV, tölfræði og hegðunarstaðreyndum.

The Mesothelioma Centre segir að rúmlega 54.000 Bandaríkjamenn muni greinast með krabbamein í munni eða hálsi á lífsleiðinni og að það séu tvöfalt meiri líkur á að karla fái slíkt krabbamein en konur. Hinir hefðbundnu áhættuþættir á borð við reykingar og áfengisneyslu koma auðvitað við sögu en nýjasta illmennið á þessu sviði er HPV.

HPV, human papillomavirus, er ekki bara einhver ein veira. Þetta er hópur rúmlega 100 mismunandi veira. Flestir smitast af HPV á lífsleiðinni en sem betur fer, þá sér líkaminn yfirleitt sjálfur um að losa fólk við veiruna. En sumir eru ekki svo heppnir og í versta falli getur þetta valdið krabbameini. Sérstaklega ef veiran nær að hreiðra um sig í slímhimnum í of langan tíma.

Hisham Mehanna, læknir og prófessor við Birmingham háskóla, deildi vitneskju sinni um þetta í The Conversation og skýrði frá tölunni sem skiptir miklu máli. Hún er sex.

Hann segir að þú hefur stundað munnmök með sex eða fleiri bólfélögum á lífsleiðinni, þá aukist líkurnar á krabbameini í hálsi mjög og séu 8,5 sinnum meiri en hjá þeim sem hafa alls ekki stundað munnmök. Sex rekkjunautar er kannski ekki svimandi há tala á þessum Tinder-tímum sem við lifum á en það er samt ekki úr vegi að hafa þetta í huga.