Þú ferð snemma í rúmið, forðast að horfa á sjónvarp og nota símann í svolitla stund fyrir háttatímann og sefur góða átta tíma. En samt sem áður vaknar þú þreyttur, þungur á þér og illa upplagður. Kannski hugsar þú með þér að þetta sé bara vetrarþreyta eða stress. En ástæðan getur verið allt önnur – Svolítið sem er kannski í svefnherberginu þínu.

Þetta er náttborðsljósið þitt. Já, þú last rétt, það er náttborðsljósið, sem ætti eiginlega að hjálpa þér við að róast og sofna, sem gæti gert að verkum að þér finnst þú ekki úthvíldur, meira að segja ef þú sefur klukkustundum saman.

Þetta snýst í raun ekki um lampann sjálfan, heldur ljósið frá honum. Mörg náttborðsljós, sérstaklega LED, senda frá sér blátt eða kalt hvítt ljós sem truflar náttúrulega melatónínframleiðslu líkamans. Melatónín er svefnhormónið sem gerir þig syfjaðan og hjálpar þér að sofa djúpum svefni.

Þegar augun sjá blátt ljós, meira að segja í litlu magni, metur heilinn það sem svo að það sé enn dagur. Það getur haft þær afleiðingar að þú sofnar kannski en svefninn verður léttari og þú vaknar oft með skömmu millibili en kannski án þess að þú fattir það.

Svona er hægt að sjá hvort um vandamál er að ræða:

–          Lampinn þinn lýsir mjög skært, næstum eins og „skrifstofulampi“.

–          Þér finnst þú meira vakandi þegar þú lest í rúminu.

–          Þú átt erfitt með að vakna ferskur, meira að segja eftir 7-8 klukkustunda svefn.

Ef þú kannast við eitthvert af fyrrgreindum atriðum, þá er kominn tími til að skipta um peru, ekki rúm.