Í umfjöllun Live Science um málið er haft eftir sérfræðingum að ísinn þar hafi líklega myndast nýlega, í jarðsögulegu samhengi, eða fyrir um 34 milljónum ára.
Hiti á heimsvísu er lykilþátturinn þegar kemur að myndum íss og hversu mikið svæði hann þekur. Fyrir um 50 milljónum ára var meðalhitinn um 14 gráðum hærri en hann er nú. En næstu 16 milljónir ára, lækkaði hitinn jafnt og þétt og fyrir 34 milljónum ára var meðalhitinn 8 gráðum hærri en hann er núna.
Hvað varðar lækkun hitastigsins þá voru það líklega tveir þættir sem komu við sögu. Annar er breyting á magni koltvísýrings í andrúmsloftinu og hinn er hreyfingar heimsálfanna, sérstaklega þegar sundið á milli Suður-Ameríku og Suðurskautsins opnaðist en það tengir sunnanvert Atlantshafið við suðurhluta Kyrrahafsins.
Þeim mun meira magn koltvísýrings, sem er í andrúmsloftinu, þeim mun hlýrra er á jörðinni. Fyrir 60 til 50 milljónum ára var magn koltvísýrings í andrúmsloftinu líklega 1.000 til 2.000 hlutar á hverja milljón en það er 2,5 til 5 sinnum meira en í dag.
Þar sem magn CO2 í andrúmsloftinu minnkaði, kólnaði og loftslagið fór líklega yfir ákveðinn þröskuld sem gerði að verkum að íshellur fóru að myndast.
Þannig að fyrir 34 milljónum ára var Suðurskautið íslaust en þá fór ís að myndast þar. Sérfræðingar telja ekki útilokað að það verði íslaust á nýjan leik vegna loftslagsbreytinga.
