Maður einn leitaði til lækna vegna mikilla verkja sem sóttu á hann auk magakrampa og uppkasta. Þess utan hafði hann átt í erfiðleikum með að kasta af sér vatni og hafa hægðir síðustu 24 klukkustundirnar. Rannsókn lækna leiddi í ljós að það var góð ástæða fyrir þessum verkjum.

Þeir sendu manninn, sem er 34 ára, í myndatöku og líklega hafa margir læknanna orðið hissa þegar þeir sáu myndirnar.

Hann hafði innbyrt banana sem hann hafði sett í smokk.

New York Post skýrir frá þessu og vitnar í tímaritið Cureus.

Fram kemur að maðurinn glími við þunglyndi og að hann hafi sett banana í smokk og síðan innbyrt hann í reiðikasti.

Þetta er fyrsta tilfellið af þessu tagi sem vitað er um í heiminum.

Ekki kemur fram hvar í heiminum þetta átti sér stað.

Læknum tókst að ná banananum út um endaþarm mannsins með því að gera aðgerð á honum. Hann þurfti síðan að dvelja á sjúkrahúsi í þrjá daga eftir aðgerðina.