Miriam lést á San Bassiano sjúkrahúsinu á Ítalíu en þar hafði hún legið síðustu tvo mánuði vegna vökvasöfnunar í lungum. Hún lést síðan af völdum hjartaáfalls.
Mirror segir að Miriam hafi lent í umferðarslysi á aðfangadagskvöld 1991 þegar hún ók Fiat Panda bifreið sinni á staur í Casoni di Mussolente.
Hún hlaut mikla heilaáverka og var í dái allt þar til hún lést. Hún naut umönnunar á tveimur hjúkrunarheimilum á þessum áratugum, eða allt þar til hún var flutt á San Bassiano sjúkrahúsið fyrir tveimur mánuðum.
Angelo heimsótti hana að minnsta kosti einu sinni á dag öll þessi ár. Þau gengu í hjónaband aðeins einu og hálfu ári áður en Miriam lenti í slysinu.
Í samtali við Fanpage sagði Angelo að hann væri ánægður fyrir hönd Miriam. Hún hafi nú loks öðlast frið og sé komin í paradís. Örlögin hafi verið grimm við hana.
