Everest er 8,8 km á hæð en næst hæsta fjallið er K2 sem er 8,6 km á hæð. En gætu þessi fjöll orðið hærri? Eða gæti eitthvað fjall orðið hærra hér á jörðinni?
Fjallað var um þetta á vef Live Science nýlega og haft eftir Gene Humphreys, jarðeðlisfræðingi við University of Oregon, að fræðilega séð geti fjöll orðið töluvert hærri en Everest. En til þess að það geti gerst þarf að yfirstíga ákveðnar hindranir.
Þeirra á meðal er aðdráttarafl jarðarinnar. Steinhrúga sem verður að fjalli hægir á sér í vextinum og flest út á endanum, svona eins og brauðdeig felst hægt út þegar það er sett á borðið.
Aðrir þættir, til dæmis eyðing, koma í veg fyrir að fjöll verði of há. Til dæmis eru jöklar mjög góðir í að sverfa af fjöllum.
Humphreys sagði að þrátt fyrir þetta geti fjöll orðið hærri en Everest, hugsanlega allt að 10,2 km á hæð en þá þurfi aðstæðurnar að vera hárréttar. Í fyrsta lagi þurfi það að myndast í eldgosi en ekki við árekstur jarðfleka. Þannig myndaðist hæsta fjall sólkerfisins, Olympus Mons á Mars, sem er 25 km á hæð.