Þetta kemur fram í nýrri skýrslu frá Microsoft að sögn Reuters.
Í skýrslunni kemur fram að rússnesku tölvuþrjótarnir séu að undirbúa tölvuárásir á Úkraínu og fleiri. Þar á meðal „gíslatöku“ árásir á samtök sem gegna lykilhlutverki í birgðaflutningum til Úkraínu.
Gíslatökuforrit eru tölvuveirur sem dulkóða gögn þannig að eigandi þeirra getur ekki séð þau. Tölvuþrjótar geta til dæmis brotist inn á netþjóna fyrirtækja og „læst“ upplýsingum. Eina leiðin til að fá aftur aðgang að gögnunum er að greiða lausnargjald til tölvuþrjótanna.
Árásir af þessu tagi eru oft notaðar til fjárkúgunar. En það er líka hægt að nota þær til að hylma yfir enn verri árásir, svokallaðar „wipers“, sem er ætlað að eyða gögnum á netþjónum og um leið koma í veg fyrir að hægt sé að endurskapa þau.