Ófrjósemi hrjáir marga af báðum kynjum. Í Bretlandi er ófrjósemi um 30% kvenna óútskýranlega, eða hefur verið það fram að þessu. Nú varpar ný rannsókn ljósi á tengsl ófrjósemi og genaafbrigða sem geta valdið hjartasjúkdómum, krabbameini og Parkinsons.

Sky News skýrir frá þessu og segir að um 17% kvenna, sem glíma við óútskýrða ófrjósemi, séu með genaafbrigði sem vitað er að valdi fyrrgreindum sjúkdómum.

Áður höfðu tengsl ófrjósemi og sumra sjúkdóma verið staðfest. Bæði ófrjóar konur og karlar eru í aukinni hættu á að fá hjartasjúkdóma og krabbamein. En ekki hafði verið staðfest áður hvort genaafbrigði skapi skilyrði fyrir ófrjósemi. En nú liggur það ljóst fyrir.

Í rannsókninni, sem hefur verið birt í the New England Journal of Medicine, segir að rannsóknin hafi leitt í ljós að tengsl eru á milli ófrjósemi og annarra sjúkdóma síðar á lífsleiðinni. Er þar átt við sjúkdóma sem eru afleiðing genaafbrigða.