Þetta kemur fram í rannsókn sem var birt í vísindaritinu Nature nýlega að sögn Live Science. Fram kemur að vísindamenn hafi gert tilraunir á setlögum í steinum í Red Stone hluta Atacama eyðimerkurinnar í Chile en það er ein elsta og þurrasta eyðimörkin á jörðinni. Hún líkist þeim svæðum á Mars sem tveir Marsbílar bandarísku geimferðastofnunarinnar NASA eru að rannsaka.
Vísindamennirnir höfðu áður uppgötvað að leir á þessu svæði eyðimerkurinnar inniheldur áður óþekkta blöndu fornra og nútíma örvera. Þeir hafa nefnt þessa blöndu „dark microbiome“.
Þeir notuðu fjögur tæki sem eru á þeim Marsbílum sem nú eru við störf eða verða á þeim sem eru í smíðum. Þau reyndust ekki geta fundið ummerki um lífrænt efni í steinunum. Það var aðeins hægt að finna ummerki um líf með rannsóknum í rannsóknarstofu og jafnvel þá var það mjög erfitt því ummerkin voru varla greinanleg.
Þeir segja því að það geti verið „erfitt“ ef ekki „útilokað“ að finna ummerki um lífræn efni og örverur í steinum á Mars með núverandi tækni.
Segja vísindamennirnir að eina leiðin til að staðfesta með ótvíræðum hætti að líf sé á Mars, sé að senda sýni til jarðarinnar þar sem þau verði rannsökuð.