Fyrir allt að 250.000 árum gætu forfeður okkar, sem bjuggu í Evrópu, hafa setið í kringum bálkesti og eldað mat. Ef þetta er rétt, þá er þetta 50.000 árum fyrr en áður var talið.

Tegundir manna hafa lengið verið tengdar eldi og sumar uppgötvanir vísindamanna benda til menn hafi náð tökum á eldi fyrir rúmlega 700.000 árum í Afríku og Miðausturlöndum og fyrir að minnsta kosti 400.000 árum síðan í Evrópu.

Nú segjast vísindamenn hafa fundið elstu þekktu ummerkin um notkun elds, sem fólk notaði til að safnast saman við og hita mat, í Evrópu.

„Þetta eru elstu þekktu ummerkin um eld, sem menn stjórnuðu, sem var notaður við eldamennsku og félagslegar athafnir,“ sagði Dr Clayton Magill, prófessor við Heriot-Watt háskólann, höfundur rannsóknarinnar.

The Guardian segir að hann hafi bent á að fyrri rannsóknir bendi til að fólk hafi „skipulagt“ elda í Evrópu fyrir 200.000 árum en það er byggt á því að eldarnir hafi verið kveiktir viljandi og notaðir í ákveðnum tilgangi. Nú hafi 50.000 ár bæst við þessa tölu.

Magill byggir niðurstöður sínar á vettvangsrannsóknum í Valdocarros II, sem er austan við Madrid. Ummerki þar sýni að eldar hafi logað þar og verið 280 til 350 gráðu heitir og benti Magill á að þetta sé passlegur hiti til eldamennsku.