fbpx
Þriðjudagur 21.júní 2022
Pressan

Apabólan fær nýtt nafn

Rafn Ágúst Ragnarsson
Miðvikudaginn 15. júní 2022 12:01

Apabóla veldur meðal annars sárum á borð við þessi. Myndir/Getty

Ekki missa af Helstu tíðindum dagsins í pósthólfið þitt

Lesa nánar

Alþjóðaheilbrigðisstofnunin hefur ákveðið að halda neyðarfund í næstu viku varðandi faraldur apabólu að sögn Tedros Adhanom Ghebreyesus, framkvæmdastjóra samtakanna. Samtökin ætla sér að kanna hvort lýsa ætti yfir hættuástandi vegna apabólunnar, líkt og var gert vegna COVID-19. Þessu greinir BBC frá.

Alþjóðaheilbrigðisstofnunin segist einnig vera að vinna að nýju nafni handa veirunni og sjúkdómnum sem hún veldur vegna þess að vísindamenn telja nafnið ekki vera við hæfi.

Í bréfi sem hópur vísindamanna sendi frá sér sögðu þeir að nafnið „apabóla“ og vitnanir í afrískan uppruna hennar fari gegn reglugerðum samtakanna sem banna notkun nafna sem byggja á landafræði eða dýrum. „Í samhengi faraldursins er það að nafn veirunnar bendi til afrísks uppruna ekki aðeins misvísandi heldur valdi líka fordómum og smán,“ skrifuðu vísindamennirnir í bréfinu.

Apar ekki meginhýsill veirunnar

Vísindamennirnir tóku einnig fram að þrátt fyrir það að flest smit hafi verið greind í Evrópu og Norður-Afríku noti fréttamiðlar oft myndir af afrískum sjúklingum.

Alþjóðaheilbrigðisstofnunin sagðist vera að leita ráða hjá sérfræðingum í þessari tilteknu gerð viera til að reyna að finna hæfilegra nafn. Eitt nafn sem stungið hefur verið upp á er hMPXV, samkvlmt BBC. Sjúkdómurinn var lítið þekktur utan Afríku en Tedros sagði að meira en 1600 tilfelli hafa verið greind í ár í 39 löndum, ásamt um 1500 grunuðum tilfellum, samkvæmt AP.

Veiran var nefnd apabóla vegna þess að hún var fyrst greind í tilraunaöpum en talið er að nagdýr séu meginhýsillinn í dýraríkinu.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 2 dögum

Marsbíllinn Perseverance er búinn að eignast vin á Mars

Marsbíllinn Perseverance er búinn að eignast vin á Mars
Pressan
Fyrir 2 dögum

Gera tilraun með fjögurra daga vinnuviku

Gera tilraun með fjögurra daga vinnuviku
Pressan
Fyrir 2 dögum

Rostungstönn í Kyiv hefur hugsanlega tengsl við Ísland

Rostungstönn í Kyiv hefur hugsanlega tengsl við Ísland
Pressan
Fyrir 2 dögum

Vinnur þú þegar þú ert veik(ur)? Ekki gera það

Vinnur þú þegar þú ert veik(ur)? Ekki gera það
Pressan
Fyrir 3 dögum

Julian Assange verður framseldur til Bandaríkjanna – „Sorgardagur fyrir fjölmiðlafrelsi“

Julian Assange verður framseldur til Bandaríkjanna – „Sorgardagur fyrir fjölmiðlafrelsi“
Pressan
Fyrir 4 dögum

Washington DC gerir Sádi-Aröbum grikk – Breyta götunafninu þar sem sendiráðið er

Washington DC gerir Sádi-Aröbum grikk – Breyta götunafninu þar sem sendiráðið er