fbpx
Miðvikudagur 06.júlí 2022
Pressan

Rússneski sendiherrann í Póllandi fékk kaldar móttökur í kirkjugarðinum í dag

pressan
Mánudaginn 9. maí 2022 14:03

Mynd/Getty

Ekki missa af Helstu tíðindum dagsins í pósthólfið þitt

Lesa nánar

Rússneski sendiherrann í Póllandi fékk heldur kaldar móttökur í dag þegar hann mætti í kirkjugarð þar sem hermenn rauða hersins, sem féllu í síðari heimsstyrjöld, eru jarðaðir.

Hann var mættur í kirkjugarðinn til að leggja blóm á leiði hermanna í tilefni að „Sigurdeginum“ sem er haldinn til að fagna deginum þegar þýskir nasistar voru sigraðir, en dagurinn er stórhátíð í Rússlandi og fagnað þar í landi með pompi og prakt.

Þegar sendiherrann, Sergey Andreev, mætti að kirkjugarðinum biðu hans hundruð aktívista sem eru andvígir stríði Rússa gegn Úkraínu. Fyrst gripu mótmælendurnir blómin sem sendiherrann ætlaði að leggja og tröðkuðu á þeim. Síðan skvettu þeir rauðri málningu yfir hann.

Mótmælendur héldu á úkraínskum fánum og kölluðu „fasistar“ og „morðingjar“ að sendiherranum.

AP fréttastofan greinir frá og segir að innanríkisráðherra Póllands hafi ráðlagt Andreev að sleppa því að mæta með blóm í kirkjugarðinn. Mótmælendur hafi mátt koma saman og skiljanlegt sé að úkraínskar konur, sem voru í hópnum og eru giftar mönnum sem eru að verja heimaland sitt, væru í uppnámi.

Talskona utanríkisráðuneytis Rússlands, Maria Zakharova, hefur fordæmt atvikið. Hún segir að Rússar muni verða óttaslegnir á meðan „fólkið í evrópu ætti að vera hrætt við að sjá sína eigin spegilmynd.“

Hún segir að enn og aftur hafi „aðdáendur ný-nasista sýnt sín réttu andlit“ og að atvikið sé dæmi um endurvakningu fasisma.

Nú velta menn því fyrir sér hvort atvikið verði til þess að Rússar kalli sendiherrann sinn aftur heim frá Póllandi og geri pólska sendiherranum að yfirgefa Rússland.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 1 viku

Vísindamenn telja að kynlíf geti unnið gegn frjókornaofnæmi

Vísindamenn telja að kynlíf geti unnið gegn frjókornaofnæmi
Pressan
Fyrir 1 viku

Karl Bretaprins þáði hundruðir milljóna frá katörskum sjeik

Karl Bretaprins þáði hundruðir milljóna frá katörskum sjeik
Pressan
Fyrir 1 viku

Þessi níu einkenni Ómíkron koma oft fram hjá fullbólusettum

Þessi níu einkenni Ómíkron koma oft fram hjá fullbólusettum
Pressan
Fyrir 1 viku

Ef þú getur ekki gert þetta í 10 sekúndur er útlitið svart

Ef þú getur ekki gert þetta í 10 sekúndur er útlitið svart
FréttirPressan
Fyrir 1 viku

Hæstaréttardómari tekinn nakinn á rúntinum í þriðja sinn á árinu

Hæstaréttardómari tekinn nakinn á rúntinum í þriðja sinn á árinu
Pressan
Fyrir 1 viku

Þetta verður um auðæfi Bill Gates að honum látnum

Þetta verður um auðæfi Bill Gates að honum látnum