Skýrt er frá þessu í the Irish Medical Journal. Læknar hjá taugadeild Limerick háskólasjúkrahússins segja að þetta sanni að fólk geti misst minnið við það að stunda kynlíf.
Maðurinn leitaði á sjúkrahúsið eftir að hafa misst minnið eftir kynlífið og gat þess að hann hefði lent í svipuðu atviki sjö árum áður. Hann mundi ekkert frá síðustu tveimur dögum.
Læknar segja að maðurinn hafi stundað kynlíf með eiginkonu sinni að kvöldi til. Tæpum 10 mínútum eftir að því lauk sá hann gögn í farsíma sínum sem urðu til þess að hann taldi sig hafa gleymt brúðkaupsafmæli þeirra daginn áður. „Hann hafði haldið upp á brúðkaupsafmælið daginn áður með eiginkonu sinni og fjölskyldu. Langtímaminni hans var enn til staðar en hann mundi ekkert eftir hvað hafði gerst um morguninn eða veislunni kvöldið áður,“ segir í skýrslu lækna um málið.
Maðurinn spurði eiginkonu sína og dóttur út í hvað þau hefðu gert um morguninn og kvöldið áður.
Hvað varðar minnisleysið fyrir sjö árum þá átti það sér svipaðan aðdraganda. Maðurinn stundaði kynlíf með eiginkonu sinni og missti minnið innan 10 mínútna eftir að því lauk.