fbpx
Föstudagur 01.júlí 2022
Pressan

Ótrúleg myndgæði James Webb geimsjónaukans – Klessur verða að skínandi stjörnum

Kristján Kristjánsson
Sunnudaginn 22. maí 2022 07:30

Munurinn er ótrúlegur. Mynd:NASA/JPL-Caltech & NASA/ESA/CSA/STScI

Ekki missa af Helstu tíðindum dagsins í pósthólfið þitt

Lesa nánar

Það sem áður líktist klessum er nú orðið að skínandi stjörnum. Svo mikil eru myndgæði James Webb stjörnusjónaukans.

Nú er búið að ljúka við að stilla þau fjögur aðaltæki sjónaukans, sem eiga að horfa á fjarlægustu króka alheimsins, og virka þau betur en vænst var.

Þetta sagði Michael McElwain, vísindamaður hjá Bandarísku geimferðastofnunni NASA, nýlega á fréttamannafundi að sögn Gizmodo.

NASA fagnar nú þessum árangri með því að birta ótrúlegar myndir frá hinum ýmsum tækjum sjónaukans, nú síðast frá MIRI (Mid-infrared Instrument).

MIRI er „kaldasta“ tækið á sjónaukanum en með því að beina því að ákveðnum innrauðum bylgjulengdum getur það séð í gegnum stjörnuryk sem hylur hluta af alheiminum.

Til að kanna hvort allt virki eins og það á að gera beindi NASA sjónaukanum að Stóra Magellanskýinu en það er dvergvetrarbraut á braut um Vetrarbrautina í um 160.000 ljósára fjarlægð.

MIRI tók myndir í áður óþekktri upplausn og nákvæmni og það sem áður líktist klessum og kámugum fingraförum er nú eins og skínandi stjörnur og samanþjappað gas. Myndin sem fylgir þessari grein er einmitt saman sett af gamalli mynd og nýrri og er munurinn ótrúlegur.

En þetta þýðir ekki að James Webb sé tilbúinn til notkunar. Vísindamenn munu nota næstu tvo mánuði til að undirbúa tækjabúnað hans og prófa enn frekar. Þegar því verður lokið verður sjónaukanum beint að sumum af hinum eiginlegu svæðum sem hann á að rannsaka. Þá megum við eiga von á fyrstu litmyndunum.

Gizmodo segir að NASA vilji ekki skýra frá hvaða svæði þetta eru og segi að það muni koma á óvart.

Þó er vitað að nota á James Webb til að rannsaka elstu stjörnur alheimsins, þróun vetrarbrauta, fjarplánetur og upphaf alheimsins.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 5 dögum

Skyndikynni geta kostað allt að sjö ára fangelsi

Skyndikynni geta kostað allt að sjö ára fangelsi
Pressan
Fyrir 5 dögum

Kennari afhjúpar ástæðuna fyrir því að hann hefur verið með auðan stól í kennslustofunni í 50 ár

Kennari afhjúpar ástæðuna fyrir því að hann hefur verið með auðan stól í kennslustofunni í 50 ár
Pressan
Fyrir 6 dögum

Þess vegna áttu ekki að sofa með kveikt á viftu

Þess vegna áttu ekki að sofa með kveikt á viftu
Pressan
Fyrir 6 dögum

Þessi níu einkenni Ómíkron koma oft fram hjá fullbólusettum

Þessi níu einkenni Ómíkron koma oft fram hjá fullbólusettum
Pressan
Fyrir 1 viku

Þetta verður um auðæfi Bill Gates að honum látnum

Þetta verður um auðæfi Bill Gates að honum látnum
Pressan
Fyrir 1 viku

Telja að bólusetningar gegn kórónuveirunni hafi bjargað 20 milljónum mannslífa

Telja að bólusetningar gegn kórónuveirunni hafi bjargað 20 milljónum mannslífa
Pressan
Fyrir 1 viku

Býr í Belgíu og sigraði í borgarstjórakosningum í Tókýó

Býr í Belgíu og sigraði í borgarstjórakosningum í Tókýó
Pressan
Fyrir 1 viku

Úkraína og Moldóva orðin umsóknarríki – „Framtíð Úkraínu er í Evrópusambandinu“

Úkraína og Moldóva orðin umsóknarríki – „Framtíð Úkraínu er í Evrópusambandinu“