Meðal þessara hluta eru handtöskur, íþróttatöskur, margnota innkaupapokar, þvottastampar, sturtuhengi, baðmottur, sængur og koddar, taudýr, moppur og dyramottur.
Hvað varðar handtöskur þá tekur fólk þær yfirleitt með sér hvert sem það fer. Þær standa oft á gólfinu í strætó eða inni á baðherbergi. Þær eru því auðvelt „skotmark“ baktería.
Það segir sig auðvitað sjálft að íþróttatöskur geta verið kjörlendi fyrir bakteríur því við erum oft með blaut handklæði, skítuga skó og svitalyktandi íþróttafatnað í þeim. Það er því snjallt að þvo þær öðru hvoru.
Margnota innkaupapokar eru yfirleitt notaðir til að flytja matvörur í og því segir það sig sjálft að það þarf að þvo þá öðru hverju.
Við hendum óhreina fatnaðinum okkar í þvottastampinn en fæstir hugsa út í að það sé líka góð hugmynd að þvo stampinn. Bakteríur úr óhreinum fatnaði geta orðið eftir í honum og því er rétt að þvo hann öðru hverju.
Sturtuhengið er fullkomið fyrir bakteríur og myglusvepp og því er mikilvægt að þvo það nema maður vilji auðvitað að það sé ógeðslegt.
Baðmottur eru einnig fullkominn bústaður fyrir bakteríur og myglusvepp og því rétt að þvo þær að minnsta kosti tvisvar í mánuði.
Sængur og kodda þarf að þvo einu sinni til tvisvar á ári til losna við ryk og rykmaura úr þeim. Mundu bara að lesa þvottaleiðbeiningarnar vel áður.
Tuskudýr enda oft í munni ungra barna og því er mikilvægt að þau séu ekki full af bakteríum. Flest má þvo í þvottavél en lestu vel á miðann áður en þú hefst handa við þvottinn.
Moppur eru auðvitað notaðar til að þrífa gólf og því verða þær auðvitað skítugar og því er mælt með því að þær séu þvegnar eftir hverja notkun.
Margir viðra dyramotturnar sínar reglulega og berja ryk og drullu úr þeim en það getur verið góð hugmynd að þvo þær vel með vatni og sápu til að gera út af við bakteríur í þeim.