Fötluð 19 ára stúlka var myrt í skólanum sínum á mánudaginn. 14 ára piltur réðst þá inn í skólann og skaut stúlkuna tveimur skotum og stakk hana með sveðju.

Samkvæmt fréttum brasilískra fjölmiðla þá komst pilturinn yfir girðingu við skólann á mánudagsmorgun. Hann gekk síðan að Geane da Silva de Brito, 19 ára, og skaut hana tveimur skotum áður en hann dró upp sveðju og stakk hana.

Pilturinn er sagður hafa verið í svartri hettupeysu og með sólgleraugu.

Herlögreglan kom á vettvang innan nokkurra mínútna og skaut árásarmanninn eftir stuttan skotbardaga.  Hann var fluttur á sjúkrahús og er í gæslu lögreglunnar þar.

Í ljós kom að hann var með hnífa, skotvopn og heimagerða sprengju á sér.