Furðufrétt dagsins kemur frá Buffalo í Bandaríkjunum. En íþróttaliðið Buffalo Bills sem keppir í amerískum fótbolta – sem á meira skylt við ruðning en hinn hefðbundna fótbolta sem við þekkjum hér á landi – hefur lent í því að aðdáendur hafa þróað mér sér óhefðbundna leið til að styðja lið sitt.
Þetta mátti sjá í leik Buffalo Bills gegn New England Patriots á dögunum þegar gervi-skaufi birtist á vellinum eftir að andstæðingarnir í New England Patiots skoruðu snertimark.
Þetta eru aðdáendur Buffalo Bills orðnir þekktir fyrir, að kasta gerviskaufum þegar lið þeirra mætir New England Patriots. Þetta hófst fyrst fyrir fimm leiktímabilum þegar hugrakkur stuðningsmaður kastaði fyrsta skaufanum í október 2016.
Þetta hefu vakið kátínu þar sem að sjálfsögðu er sent frá leiknum í beinni útsendingu sem á að vera fjölskylduvæn svo gerviskaufar eru ekki vinsælir í slíku efni.
Athæfið mun þó ekki vera vel liðið meðal liðsmanna eða starfsmanna á vellinum, enda má gjarnan heyra í kallkerfinu hrópaðar áminningar um að vera ekki að kasta hlutum á völlinn.
Aðdáendur hins vegar elska þetta og eru nú farnir að veðja um það fyrir leiki Buffalo Bills og New England Patriots hvort að gerviskaufum verði kastað eða ekki.
Einn íþróttamiðill tók sig til og kallaði þessa furðulegu hefð „faraldur fljúgandi gerviskaufa“.
Að sjálfsögðu hefur myndband af skaufakastinu farið víða á netinu og margir lýst ánægju sinni á samfélagsmiðlum. Enda hvar værum við komin sem heimur ef ekki væri hægt að brosa yfir fljúgandi gerviskaufa faraldri? Maður spyr sig.
Hins vegar þarf hug og þor til að kasta skaufum á völlinn þar sem slíkt getur landað manni í ævilöngu banni frá því að mæta á völlinn. Þessu fengu frumkvöðlarnir að finna fyrir, bræðurnir Hub og Dillon Hayes. En þeir mega aldrei aftur mæta á völlinn þar sem leikurinn 2016 fór fram.
„Hundrað prósent þess virði,“ sagði Dillon þó í viðtali. Bróðir hans tók undir með honum. „Ég myndi ekki taka þetta til baka. Það var þess virði að skrá sig á spjöld sögunnar. Í hverjum Patriots leik í Buffalo héðan frá verður að öllum líkindum skaufi á vellinum.“
Dildo launch from @hub_nation 😂😂 pic.twitter.com/nfL4tI9UVG
— Dillon Hayes (@Dillon_Hayes) October 30, 2016
The Buffalildo makes its triumphant return. pic.twitter.com/EmQdKUdHp1
— Zack Cox (@ZackCoxNESN) January 16, 2022