Mary McCann, 35 ára gömul móðir frá Derby á Englandi, hefur verið handtekin vegna bílslyss sem varð dóttur hennar og syni að bana.
Mary var gert að mæta í dómssal til að svara fyrir það sem hafði gerst en mætti ekki. Dómari gaf þá út handtökuskipan á hendur hennar og grunur lá á að hún hefði flúið land. Mary gaf sig þó sjálfa fram við lögregluna í gærkvöldi og staðfesti lögreglan að hún hafi í kjölfarið verið handtekin vegna málsins.
„Konan, sem er 35 ára gömul frá Derby, gaf sjálfa sig fram á lögreglustöðinni í Aylesbury í gærkvöldi,“ segir í tilkynningu frá lögreglunni vegna málsins.
Samkvæmt skyldmenni Mary sem The Sun ræddi við var Mary að keyra heim til sín úr partýi á bílnum sínum, sem var af gerðinni Vauxhall Astra, þegar áreksturinn átti sér stað. Í bílnum var Mary ásamt þremur börnum sínum.
Mary keyrði á sendiferðabíl með þeim afleiðingum að bæði Smaller, sonur hennar sem átti 10 ára afmæli þennan dag, og Lilly, dóttir hennar, létu lífið. Jarðarfarir þeirra fóru fram í síðustu viku. Farið var með Mary og þriðja barn hennar á sjúkrahús eftir áreksturinn.
Ökumaður sendiferðabílsins slapp með skrekkinn og var ómeiddur en áreksturinn olli því að veginum var lokað í hálfan sólarhring.