Skyndibitakeðjan Burger King í Bretlandi hefur beðist afsökunar á færslu sem birtist á Twitter-síðu þeirra í gær. Í færslunni stóð: „Konur eiga heima í eldhúsinu“ og var hún skrifuð í tilefni Alþjóðlegs baráttudags kvenna sem var í gær.
Þekkt er að þeir sem tali niður til kvenna segi við þær: „konur eiga heima í eldhúsinu“ eða „farðu og gerðu samloku fyrir mig“ og því voru margir sem tóku færslunni illa. Færslan var þó mjög saklaus, bara afar illa orðuð hjá markaðsteymi Burger King.
We hear you. We got our initial tweet wrong and we’re sorry. Our aim was to draw attention to the fact that only 20% of professional chefs in UK kitchens are women and to help change that by awarding culinary scholarships. We will do better next time.
— Burger King (@BurgerKingUK) March 8, 2021
Með þessum orðum ætlaði keðjan sér að vekja athygli á því að í Bretlandi væru aðeins 20% kokka konur og að 7% yfirkokka séu konur. Færslan átti að hvetja konur áfram í að verða kokkar og láta vita að þeir væru að byrja að bjóða fleiri konum upp á skólastyrk til að fara í kokkaskóla.
Með umdeildu færslunni birtist önnur færsla sem í stóð: „Ef þeir vilja auðvitað. Aðeins 20% kokka eru konur. Við erum að stefna á breyta kynjahlutfallinu á veitingastöðum með því að valdefla konur með tækifærinu til að eltast við matreiðsluferil,“ sem útskýrði færsluna á undan.
Það var þó of seint og neyddist keðjan til að eyða færslunni umdeildu og biðjast afsökunar. Það var þó of seint fyrir Burger King í Bandaríkjunum að eyða sinni auglýsingu því þau keyptu heilsíðu í New York Times-tímaritinu. Þar var auglýsingin með sömu orðum. „Konur eiga heima í eldhúsinu“