17 ára ástralskur piltur lést á laugardaginn þegar hákarl réðst á hann við austurströnd Ástralíu. Pilturinn var á brimbretti þegar hákarlinn réðist til atlögu. Vitni segja að hákarlinn hafi ráðist á piltinn síðdegis á laugardaginn þegar hann var á brimbretti við Wooli Beach sem er um 600 km norðan við Sydney.

Fjöldi brimbrettafólks varð vitni að árásinni og reyndi að koma piltinum til bjargar. Þeim tókst að koma honum í land þar sem honum var strax veitt lífsbjargandi aðstoð en þrátt fyrir það tókst ekki að bjarga lífi hans.

Í tilkynningu frá lögreglunni segir að pilturinn hafi hlotið alvarlega áverka á fótum.

Lögreglan lokaði öllum baðströndum á svæðinu í kjölfarið.

Þetta var í fimmta sinn á árinu sem hákarl verður manneskju að bana við strendur Ástralíu. Þrír til viðbótar hafa slasast alvarlega í slíkum árásum. Að meðaltali verða hákarlar einni manneskju að bana árlega í Ástralíu. Á síðasta ári var ekkert andlát af völdum hákarla skráð.