Systir hins norður-kóreska leiðtoga varar Suður-Kóreu við hefndum, þar sem herinn gæti tekið þátt, í baráttu ríkjanna um flúið hafa harðstjórnina í Pyongyang. Hluti þeirra sem flúið hafa yfir til Suður-Kóreu, senda matvörur og áróður yfir til Norður-Kóreu.
Systirin, sem heitir Kim Yo-jong, er óopinberlega einn af aðalráðgjöfum Kim Jong-un. Hún sendi aðvörunina frá sér í yfirlýsingu sem birt var á ríkisfréttastöðinni, KCNA. Hún segist hafa gefið fyrirmæli um harðar aðgerðir. Það kemur þó ekki fram í yfirlýsingunni, í hverju þessar hörðu aðgerðir felast. Yfirlýsingin var birt í kjölfarið á því að yfirvöld í Suður-Kóreu tóku þá ákvörðun að sækja flóttamenn, sem hafa sent meðal annars hrísgrjón og bæklinga með áróðri gegn norður-kóreskum yfirvöldum, yfir landamærin. Yfirvöld í Norður-Kóreu hafa sýnt vaxandi reiði gagnvart þessum sendingum.
Í síðustu viku lokaði landið fyrir beinar símalínur á milli landanna tveggja og hótað því að leggja niður skrifstofu, sem átti að bæt samskipti á milli ríkisstjórna landanna.
Árið 2018 skrifuðu leiðtogar þjóðanna tveggja undir yfirlýsingu, þar sem þeir lofuðu því að vinna að því að Kóreuskaginn verði laus við kjarnorkuvopn og að hætta öllum fjandsamlegum aðgerðum.
Stjórnmálaskýrendur segja að nú muni yfirvöld í Norður-Kóreu nota vandamálin með flóttamennina sem afsökun til þess að knýja fram ívilnanir frá Suður-Kóreu.
Þeir segja að bæklingarnir með áróðrinum verði nýttir sem ástæða og afsökun til þess að skapa ágreining og leggja pressu á Seoul.
Yfirvöld í Norður-Kóreu finnst þau hafa verið svikin, þau vilja meina að Suður-Kórea hafi lofað þeim meiru í kjarnorkuvopnaviðræðunum á milli Norður-Kóreu og Bandaríkjanna.
Á þriðjudaginn sprengdu norðanmenn samvinnuhúsnæði landanna, sem var í Norður-Kóreu nærri landamærunum, í loft upp.
