fbpx
Mánudagur 25.maí 2020
Pressan

Flúði til Marokkó undan lögreglunni – Sér mjög eftir því

Kristján Kristjánsson
Föstudaginn 27. mars 2020 17:30

Mynd úr safni.

Ekki missa af Helstu tíðindum dagsins í pósthólfið þitt

Lesa nánar

Í 32 fermetra fangaklefa í Tiflet 2 öryggisfangelsinu í Marokkó eyðir Ali Al-Hulo, sem er danskur ríkisborgari, dögunum ásamt 14 öðrum föngum. Hann var handtekinn í maí á síðasta ári vegna gruns um spillingu, skjalafals og mútur. Hann var dæmdur í þriggja mánaða fangelsi en hefur síðan setið í öryggisfangelsinu og beðið eftir framsali til Danmerkur.

Hann er eftirlýstur af dönsku lögreglunni í gegnum alþjóðalögregluna Interpol. Hann er grunaður um grófa líkamsárás í Kaupmannahöfn í september 2018. Þá gekk hópur manna í skrokk á einum. Talið er að árásin tengist átökum glæpagengja í borginni. Ali Al-Hulo var úrskurðaður í gæsluvarðhald, að honum fjarverandi, í nóvember þetta sama ár og lýst var eftir honum á alþjóðavettvangi.

En eins og fyrr segir hefur hann setið í Tiflet 2 öryggisfangelsinu í Marokkó síðan í maí á síðasta ári. Hann hefur lokið afplánun dómsins sem hann fékk þar í landi og bíður framsals til Danmerkur. Sú bið hefur varað í sjö mánuði og ekkert er að gerast í málinu.

„Nú vil ég ekki hljóma eins og einhver væluskjóða en spillingin er svo mikil Það er ekkert klósett, bara gat í gólfinu. Það eru engar dyr svo maður á ekkert einkalíf. Það eru engin rúm, það eru steyptar kojur en engar dýnur.“

Sagði hann í samtali við Ekstra Bladet.

Ali Al-Hulo er ákærður fyrir aðild að líkamsárásinni og þar sem um átök glæpagengja var að ræða liggur tvöföld venjuleg refsing við hinu meinta broti. Að sögn lögmanns hans gæti hann hlotið 12 til 16 mánaða fangelsisdóm.  Hann er því í raun langt kominn með að afplána þá refsingu í Marokkó og samkvæmt dönskum lögum ætti hann nú rétt á að vera látinn laus til reynslu. Hann er ekki sáttur við að sitja í fangelsi í Marokkó.

„Ég vil gjarnan spyrja alla í Danmörku: er sanngjarnt að ég eigi að afplána allan dóminn í öryggisfangelsi í Marokkó?“

Dönsk yfirvöld segjast ekki hafa neinn tíma til að vinna í máli hans núna vegna COVID-19 faraldursins og því þarf hann að dúsa í fangelsinu enn um sinn.

Mörg hundruð manns hafa tjáð sig um fréttina á Facebooksíðu Ekstra Bladet og óhætt er að segja að Ali Al-Hulo eigi enga samúð þeirra sem hafa tjáð sig og virðast flestir telja gott að hann sitji í öryggisfangelsi í Marokkó.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Pressan
Fyrir 3 dögum

Portúgal hættir að taka við sorpi frá öðrum Evrópuríkjum

Portúgal hættir að taka við sorpi frá öðrum Evrópuríkjum
Fyrir 3 dögum

Hreðavatn kraumaði af fiski í gærkveldi

Hreðavatn kraumaði af fiski í gærkveldi
Pressan
Fyrir 3 dögum

Þessi sjálfsmynd sendi hann beint í fangelsi – Sérð þú af hverju?

Þessi sjálfsmynd sendi hann beint í fangelsi – Sérð þú af hverju?
Pressan
Fyrir 3 dögum

Geta hafið dreifingu bóluefnis gegn COVID-19 í september

Geta hafið dreifingu bóluefnis gegn COVID-19 í september