Það kom í ljós að það var um meira en nokkrar myntir að ræða, við uppgröftinn hafa fundist 103 borgarastríðsmyntir frá miðöldum. Jen Jeppesen, safnstjóri Moesgaard Museum, sem hefur tekið þátt í grafa upp fjársjóðinn, segir að þegar um sé að ræða svo margar myntir, sé talað um fjársóð. Hann segir að það sé mjög sérstakt að finna svo margar myntir grafnar niður á einum og sama staðnum.
Mikil aukning á merkilegum uppgötvunum
Samkvæmt safnstjóranum finnast margar stakar myntir, en hann hefur ekki séð fjársjóð af þessu tagi í 30 ár. Hann segir að um leið og þeim fjölgi sem leita fjásjóða með aðstoð málmleitartækja, fjölgi uppgötvunum eins og þessari. Málmleitartækin komast lengra út á akrana, á svæði þar sem annars væri ekki leitað.
Það sem þykir merkilegast við að finna myntirnar 103 er meðal annars að myntirnar hafa verið grafnar, allar í einu, þegar Danmörk var á mörkum upplausnar fyrir 700 árum síðan. Myntirnar lágu í langri röð og segir safnstjórinn að það sé greinilegt að þær hafi verið plægðar upp. Hann segir ennfremur að það sé líklegt þær hafi verið grafnar í leðurpoka af einhverjum sem vildi fela eignir sínar á óvissutímum.
Fjársjóðurinn verður rannsakaður
Fjársjóðurinn fannst nýlega, þannig að það hefur ekki enn gefist tími til að rannsaka hann almennilega. Það lítur út fyrir að elstu myntirnar séu frá tímum Erik Menved II, eða frá árunum 1286-1319. Það lítur einnig út fyrir að myntirnar séu allar frá sama tímabili. Moesgaard Museum mun nú fá aðstoð sérfræðinga, sem hafa sérhæft sig í að rannsaka myntir, til þess að rannsaka fjársóðinn. Moesgaard Museum vinnur enn að uppgreftri þar sem myntirnar fundust til þess að ganga úr skugga um að ekki liggi fleiri myntir í jörðu.
