Dómurinn er skilorðsbundinn og því sleppur hinn dæmdi, Karu Hasegawa, við að fara í fangelsi ef hann heldur sig á beinu brautinni næstu fjögur árin. Hann var handtekinn í apríl á síðasta ári. Hann hafði þá á ólögmætan hátt komist inn í skólann sem prinsinn gengur í en hann er 13 ára. Prinsinn var ekki í skólanum þennan dag.
Það var starfsfólk skólans sem fann hnífinn á borði prinsins. Hann er sonur Akishino, sem er yngri bróðir Naruhito keisara. Akishino gengur bróður sínum næstur að erfðum því hann á engan son en keisaraembættið erfist aðeins í karllegg. Hisahito gengur síðan föður sínum næstur að erfðum.
