Að þessu sinni var Ellyse Perry valin besti leikmaðurinn í kvennaflokki en hjá körlunum bar David Warner sigur úr býtum. En að þessu sinni hefur lítið farið fyrir deilum um hvort kjör þeirra hafi verið rétt, hvort aðrir hefðu átt að bera sigur úr býtum og annarri álíka umræðu. Svona svipaðri umræðu og fer jafnan af stað hér á landi eftir að íþróttamenn ársins eru kjörnir.
Að þessu sinni er það ljósmynd, sem dagblaðið The Australian, birti af Perry og Warner sem hefur valdið of háum blóðþrýstingi og heitum umræðum.
Það sem hefur reitt folk til reiði er að á myndinni er ekki annað að sjá en Warner sé hávaxnari en Perry. En önnur mynd af þeim, í sama blaði, sýnir að svo er ekki. Perry er hávaxnari.
Samkvæmt fréttum ástralskra fjölmiðla er Warner 170 sm en Perry er 172 sm. Auk þess var hún í háhæluðum skóm á hátíðinni þegar myndin var tekin.
Margir hafa tjáð sig um málið og velt upp mögulegum ástæðum fyrir að Warner er látinn vera hærri á myndinni.
I wonder why The Australian felt it necessary to increase the height of known short arse David Warner? I guess we can’t have a woman looking taller than a man now, can we?#Misogyny #Cricket #BorderMedal pic.twitter.com/LtXBWHOeN4
— Daniel Best (@20thCenturyDan) February 11, 2020
THE AUSTRALIAN FIXED THE PROPER ORDER OF THINGS, MAN TOWERING OVER WOMAN, VERY GOOD https://t.co/IvBGb74AxX
— Jess McGuire (@jessmcguire) February 11, 2020
We can't have a man being shorter than a woman! https://t.co/3cYtRz7ral
— Erin Delahunty (@della79) February 11, 2020
Ritstjóri íþróttafrétta news.com.au segir þó að einföld skýring sé á þessu. Myndin sé einfaldlega samsett úr tveimur myndum sem voru teknar af Perry og Warner á rauða dreglinum. Warner var með konu sinni þegar myndin af honum var tekin og því var ekki hægt að fjarlægja vinstri öxl hans af myndinni því konan stóð þétt upp við hana. Perry var hinsvegar ein og auðvelt að „skera“ hana út og setja inn á aðra mynd en þar varð að setja hana hægra meginn við Warner og því virðist hún vera lágvaxnari.
