Hann býr á dvalarheimili aldraðra í Niigata og þangað mættu fulltrúar Heimsmetabókarinnar og afhentu honum viðurkenningarskjal til staðfestingar á því að hann sé elsti núlifandi karlmaðurinn í heiminum.
Hann fæddist 5. mars 1907 í Niigata í Japan, elstur átta systkina. Hann lærði búfræði og flutti síðan til Taívan þar sem hann vann á sykurplantekru. Þar kynntist hann eiginkonu sinni og eignuðust þau fimm börn.
Hann gegndi herþjónustu í japanska hernum í síðari heimsstyrjöldinni. Að stríði loknu flutti hann til Niigata og starfaði á skrifstofu þar til hann fór á eftirlaun. Hann sat þó ekki auðum höndum eftir það því hann starfaði á eigin bóndabýli og ræktaði allt frá kartöflum til jarðarberja þar til hann varð 104 ára.
Á síðasta ári ræddi hann við blaðamann og sagði þá að besta ráðið til að lifa lengi væri að brosa og vera glaður. Það hefur að minnsta kosti gagnast honum vel.
Hann á þó enn nokkuð í land með að slá heimsmetið sem elsti maður sögunnar. Það á samlandi hans Jiroemon Kimura sem varð 116 ára og 54 daga en hann lést 2013.
Kane Tanaka, sem er einnig frá Japan, er elsta lifandi manneskjan í dag en hún hélt upp á 117 ára afmælið sitt í janúar.