Þann 20. febrúar næstkomandi fer óperudansleikurinn fram í Vínarborg að vanda. Það er 200 ára gömul hefð fyrir þessum dansleik en þar dansa 144 pör vals. En nú verða ákveðin tímamót á dansleiknum því í fyrsta sinn í sögunnu munu tvær konur dansa saman.

The Guardian skýrir frá þessu. Fram kemur að konurnar, sem heita Sophie Grau og Iris Klopfer og eru frá Þýskalandi, séu ekki par en hafi sótt um að fá að dansa saman því dansinn snúist ekki um hugmyndafræði, kyn eða að ögra nokkrum manni.

En samt sem áður finnst sumum sem þeim sé ögrað með þessu. Einn af þeim er hinn 87 ára auðmaður Richard Lugner sem telur að ekki eigi að hrófla við þeirri sterku hefð sem er í kringum dansleikinn.

„Ef tvær konur eiga í ástarsambandi í dag þá er það samþykkt af samfélaginu en þær hafa ekkert að gera við opnunarhátíð óperudansleiksins. Það má ekki eyðileggja orðspor hans.“

Er haft eftir honum.

En Grau og Klopfer eru honum ekki sammála. Þær segjast bara ná vel saman á dansgólfinu og það fékkst staðfest þegar þær komu fyrir sérstaka dómnefnd sem velur þátttakendur á þennan gamalgróna viðburð.