Maðurinn hafði keypt áfengi handa Whyte á flugvellinum á meðan þau biðu eftir brottför. Hann var með 11 ára son sinn með í för. Manchester Evening News skýrir frá þessu.
Fram kemur að Whyte hafi drukkið rúmlega hálfa flösku af vodka og hafi síðan byrjað að reyna að kyssa og káfa á manninum. Þetta gerðist í maí á síðasta ári. Whyte bauð manninum margoft að veita honum munngælur, strauk honum og sagðist ætla að setja jakkann sinn yfir höfuðið á meðan hún veitti honum munngælur sagði saksóknari fyrir dómi nýlega þegar málið var tekið fyrir. Sagði saksóknarinn að Whyte hafi einnig reynt að klæða sig úr buxunum og nærfötum.
Whyte var flutt aftur til Englands fljótlega eftir komuna til Tyrklands og var handtekin við heimkomuna. Barnsfaðir hennar tók við dóttur þeirra og hafði hjá sér næstu sex vikurnar á meðan rannsókn málsins stóð yfir.
Whyte sagði lögreglunni að hún hefði tekið Diazepam og kódín og drukkið áfengi ofan í. Hún hafi ekki vitað að þessi blanda hefði þessi áhrif á hana.
Whyte var dæmd í sex mánaða fangelsi fyrir kynferðisofbeldi og að hafa verið ölvuð um borð í flugvélinni. Hún hefur fengið dóttur sína aftur til sín.
