John McAfee, sem bjó til McAfee vírusvarnarforritið, hefur verið ákærður fyrir skattsvik í Bandaríkjunum. Saksóknarar segja hann hafa leynt milljónum dollara fyrir yfirvöldum, til dæmis í formi fasteigna og snekkju.

McAfee var nýlega handtekinn á Spáni og bíður þess nú að framsalskrafa bandaríska yfirvalda verði tekin fyrir. Ákæra á hendur honum var lögð fram hjá dómstóli í Memphis í Tennessee á mánudaginn. Hann hafði verið eftirlýstur af yfirvöldum í Bandaríkjunum og Belís.

Í ákærunni kemur fram að McAfee hafi ekki skilað skattskýrslum frá 2014 til 2018 þrátt fyrir að hafa haft „verulegar tekjur“.  Ekkert í ákærunni tengir hann við McAfee veiruvarnarforritið og fyrirtækið á bak við það. Hann er sakaður um að hafa leynt tekjum sínum með því að nota bankareikninga í nafni annarra og rafmyntareikninga. Ef hann verður fundinn sekur um öll ákæruatriðin á hann allt að 30 ára fangelsi yfir höfði sér.