Forbes skýrir frá þessu. Málið teygir sig allt aftur til 2015 þegar hæstiréttur Spánar komst að þeirri niðurstöðu að umrætt málverk, sem heitir „Head of a Young Woman“, mætti ekki fara frá Spáni því um þjóðargersemi væri að ræða.
En Botin var ekki sáttur við þetta og vildi gjarnan koma málverkinu úr landi. Hann er enginn öreigi því eignir hans eru metnar á um 1,7 milljarða dollara en hann hefur hagnast á ýmsum fjármálagjörningum.
Hann ákvað því að smygla málverkinu úr landi í lúxussnekkju sinni „Adix“ til Korsíku en þaðan ætlaði hann að flytja það til Sviss þar sem hann ætlaði að selja það. Þetta er að minnsta kosti mat ákæruvaldsins.
En málverkið komst aldrei svona langt. Yfirvöldum barst ábending um fyrirætlanir Botin og var för snekkjunnar stöðvuð við Korsíku og fannst málverkið um borð. Það var flutt á safn í Madrid þar sem það er nú. Málverkið er metið á um 28 milljónir dollara en það svarar til um 3,5 milljarða íslenskra króna.