Þriðjudagur 25.febrúar 2020
Pressan

Fyrsta tilfellið af dularfullri kínverskri veiru staðfest í Japan

Kristján Kristjánsson
Föstudaginn 17. janúar 2020 06:00

Myndin tengist fréttinni ekki beint.

Ekki missa af Helstu tíðindum dagsins í pósthólfið þitt

Lesa nánar

Einn er látinn og margir hafa veikst af dularfullri nýrri veiru í Kína. Nú hafa japönsk heilbrigðisyfirvöld staðfest að veiran hafi greinst þar í landi. Japönsk yfirvöld skýrðu frá þessu á fimmtudaginn. Hugsanlegt er að hún sé einnig komin til Taílands.

Kínverskur ríkisborgari, sem býr í Kangawa nærri Tókýó, greindist með þessa dularfullu coronaveiru. Hann fór til Wuhan í Kína fyrr í mánuðinum en sneri aftur til Japan þann 6. Hann var lagður inn á sjúkrahús á föstudaginn í síðustu viku og var útskrifaður á miðvikudaginn eftir að hafa fengið viðeigandi læknismeðferð.

Veiran hefur mest látið á sér bera í Wuhan í Kína. Yfirvöld hafa áhyggjur af útbreiðslu hennar og ekki síst í ljósi þess að Kínverjar fagna áramótum í lok janúar en þá er reiknað með að rúmlega hálfur milljarður landsmanna muni leggja land undir fót.

Alþjóðaheilbrigðismálastofnunin WHO sagði á mánudag að hún muni ráðfæra sig við sérfræðinga vegna orðróms um að veiran hafi einnig borist til Taílands.

Reiknað er með að um 800.000 Kínverjar fari til Taílands til að fagna áramótunum. Taílensk yfirvöld hafa því hert eftirlit á flugvöllum landsins.

Talið er að veira af Coronastofni valdi venjulegu kvefi hjá fullorðnum en margar veirur tilheyra þessum stofni.

WHO tilkynnti einnig á mánudaginn að hugsanlega sé nýja veiran skyld veirunum sem orsökuðu lungnasjúkdóminn Sars og öndunarfærasjúkdóminn Mers. Fyrsta tilfelli Mers greindist 2012 en Sars greindist fyrst 2002 og breiddist þá út en veiran greindist fyrst í Kína. Sars barst í menn frá dýrum og varð um 800 manns að bana.

Kínversk yfirvöld segja að ekkert hafi komið fram sem bendir til að nýja veiran smitist á milli manna.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Pressan
Í gær

Tómar matvöruverslanir á Ítalíu – 50 þúsund manns í sóttkví

Tómar matvöruverslanir á Ítalíu – 50 þúsund manns í sóttkví
Pressan
Í gær

Nýju bresku vegabréfin eru framleidd í Póllandi – Netverjar hafa stjórnvöld að háði og spotti fyrir vikið

Nýju bresku vegabréfin eru framleidd í Póllandi – Netverjar hafa stjórnvöld að háði og spotti fyrir vikið
Pressan
Fyrir 2 dögum

Öruggur sigur Bernie Sanders í Nevada

Öruggur sigur Bernie Sanders í Nevada
Pressan
Fyrir 2 dögum

Hvarf Madeleine McCann – Hvað varð um hana?

Hvarf Madeleine McCann – Hvað varð um hana?
Pressan
Fyrir 4 dögum

Lést af völdum megrunarpilla – Innihéldu efni sem var notað í sprengjur í síðari heimsstyrjöldinni

Lést af völdum megrunarpilla – Innihéldu efni sem var notað í sprengjur í síðari heimsstyrjöldinni
Pressan
Fyrir 4 dögum

Telja sig hafa fundið áður óþekkta tegund manna – „Draugafólk“

Telja sig hafa fundið áður óþekkta tegund manna – „Draugafólk“