Að minnsta kosti 11 manns létust í óveðri í suðurríkjum Bandaríkjanna um helgina. Mörg hús eyðilögðust og mörg hundruð þúsund manns þurftu að vera án rafmagns um langa hríð. Í Louisiana var óveðrið svo öflugt að hjólhýsi fauk næstum 70 metra og tveir létust. Það var skýstrókur sem fór þar yfir.

Í Caddo Parish í norðvesturhluta Alabama lést 75 ára karlmaður þegar tré féll á heimili hans. í Texas létust lögreglumaður og slökkviliðsmaður á glerhálum vegi þar sem þeir voru að störfum vegna umferðarslyss. Í Alabama létust þrír til viðbótar og mörg hús jöfnuðust við jörðu.

Í Mississippi fuku 30 lestarvagnar á hliðina í Tallahatchie.