„Ég er 75 ára og ræð ekki við meira en fjórum sinnum í viku.“ Lesendur spyrja sig kannski hvað er átt við hér. Svarið er kynlíf en þetta sagði Björn Ulvaeus, einn af meðlimum ABBA, í viðtali við The Guardian þar sem hann ræddi um allt milli himins og jarðar.

En það var fleira rætt en kynlíf því Ulvaeus svaraði því einnig hvað hann óttast mest.

„Að hlutar af jörðinni verði óbyggilegir vegna loftslagsbreytinganna sem valda miklum fólksflutningum og óhjákvæmilegu ofbeldi og stríði.“

Á jákvæðu nótunum sagðist hann vera hamingjusamur í dag, að minnsta kosti á meðan hann hugsar ekki um heimsfaraldur kórónuveirunnar. Uppáhaldsorðið hans er „ást“ sagði hann og af henni á hann nóg fyrir eiginkonu sína til 37 ára, Lena Kallersjö.

Þegar hann var spurður hver væri versti ávani hans sagði hann að ef eiginkonan væri spurð þá væri það væntanlega sá vani hans að klæðast aðeins náttslopp heima við á meðan hjónin eru í COVID-einangrun.