Þessar köngulær eiga heimkynni í rökum skógarsvæðum í Austur-Ástralíu og er tegundin þekkt fyrir mjög eitrað og hraðvirkandi eitur. Samkvæmt The Australian Reptile Park hefur orðið vart við aukna virkni köngulóa að undanförnu. Samkvæmt talsmanni garðsins hefur rigning undanfarinna daga og hitinn sem fylgt hefur í kjölfarið haft þau áhrif að köngulærnar eru farnar á ferðina. Hann segir einnig að þetta séu með allra hættulegustu köngulóm á jörðinni og að það þurfi að taka það mjög alvarlega bíti þær fólk.
Sérfæðingar segja að köngulærnar séu seinna á ferðinni en venjulega, vegna mikilla þurrka undafarna mánuði. Eitur köngulóanna er mjög sterkt og getur drepið menn. Köngulærnar eru á ferðinni, eftir rigningarnar undanfarið og geta farið inn í hús hjá fólki.