Herinn birti myndir af felubúningi sínum á Twitter og í kjölfarið hófst sannkölluð stórskotahríð gríns á netinu. Eins og sjá má er um felubúning sem hentar örugglega vel í skóglendi en óvíst er um hversu vel hann virkar í geimnum.
Margir þeirra sem hafa tjáð sig um búninginn hafa einmitt spurt: „Felubúningur í geimnum?“
„Hafa þeir aldrei séð geiminn?“ Spurði einn Twitternotandi.
Annar birti mynd af geimnum og felubúningnum sem er einmitt ætlað að auðvelda hermönnum að falla inn í umhverfið.
I know this is hard to understand, but on the left there is a picture of camouflage and on the right there is a picture of space. Study these carefully until you can see the difference. pic.twitter.com/7HhAeHRyrm
— JRehling (@JRehling) January 18, 2020
Geimherinn svaraði fyrir sig og sagði að verið væri að nota núverandi búninga hersins og flughersins en með því sé hægt að spara peninga. „Hermennirnir munu klæðast eins og þeir sem þeir vinna með á jörðu niðri.“ Sagði í færslu geimhersins.