Kínverskur ríkisborgari, sem býr í nágrenni Tókýó, greindist með hina dularfulla corona-veiru, eftir að hafa ferðast til Wuhan í Kína í fyrr í mánuðinum. Samkvæmt fréttastofunni dpa greindi japanska heilbrigisráðuneytið frá þessu.
Maðurinn, sem er á fertugsaldri, var lagður inn á sjúkrahús síðastliðinn föstudag, en hann snéri aftur til Japan hinn 6. janúar. Einn er látinn og margir hafa veikst af völdum veirunnar í Wuhan í Kína.
Þetta hefur valdið miklum áhyggjum, sérstaklega vegna þess að veikindin koma upp svo stuttu fyrir kínversku áramótin, sem eru í lok janúar. Um það bil 1,4 milljarður Kínverja ferðast í tengslum við áramótin, bæði innan Kína og til útlanda. Gert er ráð fyrir að farnar verði 440 milljón lestarferðir og 79 flugferðir í tengslum við áramótin.
Gert er ráð fyrir að um 800.000 kínverjar muni ferðast til Taílands í tenglum við áramótin, þess vegna hafa taílensk yfirvöld aukið eftirlit á flugvöllum landsins.
Kínverska fréttastofan, Xinhua, greindi frá því hinn 9. janúar að talið væri að veiran sé nýtt afbrigði af corona-veirunni. Talið er að corona-veiran valdi stórum hluta kveftilfella hjá fullorðnum. Alþjóðaheilbrigðisstofnunin, WHO, greindi frá því sama dag að nýtt afbrigði veiruættarinnar sem olli hinum banvænu lungnasjúkdómum, Sars og Mers (Middle East Respiratory Syndrome), geti verið orsök hins nýja sjúkdóms. Mers fannst fyrst í Kína árið 2012, en hann minnir á Sars sem fannst í Kína árið 2002 og dreifðist síðan um heimin. Sars fannst upphaflega í dýrum og um 800 manns létust af völdum sjúkdómsins.
Samkvæmt kínverskum yfirvöldum hafa enn ekki fundist nein merki þess að nýja veiran smitist manna á milli.