Lögreglan í Riverside-sýslu í Kaliforníu í Bandaríkjunum hefur handtekið tvær konur sem eru grunaðar um hrottafengið morð á 84 ára konu á dögunum.

Kimeshia Williams og Candace Townsel eru grunaðar um að hafa ráðist á konuna, Afaf Ansis Assad, inni á salerni spilavítis í Tamecula í Kaliforníu þann 31. ágúst. Lögregla telur að um rán hafi verið að ræða en Assad hlaut mikla áverka í árásinni og lést af sárum sínum nokkrum dögum síðar.

Williams er systir Kawhi Leonard, eins besta leikmanns NBA-deildarinnar í körfubolta. Leonard varð meistari með liði sínu, Los Angeles Clippers, í vor og var valinn verðmætasti leikmaður úrslitakeppninnar.

Sjá einnig: Áfallið árið 2008 sem mótaði einn besta körfuboltamann heims

Dómstóll ákvað að Williams fengi ekki að ganga laus gegn tryggingu í ljósi þess að Kawhi er mjög efnaður, en hann skrifaði nýlega undir samning við Clippers sem færir honum rúmlega hundrað milljónir Bandaríkjadala.

Líf Williams hefur ekki verið neinn dans á rósum á undanförnum árum en hún hefur komist nokkuð oft í kast við lögin á undanförnum árum.