Í heildina er losun Sameinuðu þjóðanna á koltvíildi (CO2) á borð við losun lítils lands eins og Möltu eða Líberíu. Á síðasta ári losaðu SÞ um tvær milljónir tonna CO2 út í andrúmlsloftið. Hjá SÞ starfa 44.000 manns í 60 löndum auk tugþúsunda lærlinga, friðargæsluliða og fólks með skammtímaráðningar.

Nú virðst vera orðin vakning innan SÞ um þessa losun og í bréfi sem tæplega 2.000 starfsmenn stofnunarinnar hafa sent António Guterres, aðalritara, kemur fram að þeim þyki of lítið gert innan stofnunarinnar til að draga úr áhrifum hennar á loftslagið. Segja bréfritarar að SÞ verði að sýna meiri metnað í þessum málum.

Flugferðir eru orsök um helmings losnunar SÞ og telja bréfritarar að skera verði niður í ferðum stofnunarinnar og minnka hvata starfsfólks til að fara í slíkar ferðir en það er hægt að hafa ágætlega upp úr því fjárhagslega að fara í ferðir á vegum SÞ. Einnig er stungið upp á því að verðlauna eigi starfsfólk ef það kaupir ódýrstu miða í flug í stað þeirra dýrari.