Nýlega deildi Luke Logan stærstu mistökunum úr brúðkaupi sínu með spjallþáttakónginum Jimmy Fallon. Brúðkaupið var 2010 en Logan hefur ekki fyrr sýnt myndbandið af þessari spaugilegu uppákomu sem fór á fleygiferð á netinu eftir að fjallað var um hana í þætti Fallon.

Luke birti myndbandið síðan á Twitter og YouTube. Í því sjást hann og unnustan, Taylor, undirbúa sig undir að játast hvort öðru. Þau höfðu að sjálfsögðu ráðið ljósmyndara til að taka allt upp á myndband auk ljósmynda. En því hafði Taylor greinilega gleymt.

Á upptökunni heyrst Luke segja hversu falleg Taylor sé og í bakgrunni heyrist tónlist leikin. Því næst hallar Taylor sér að honum og hvíslar:

„Ég kúkaði rosalega rétt áður en ég gekk inn kirkjugólfið.“

„Hvað er að þér?“ Segir Luke þá og minnir hana á að hann sé með hljóðnema á sér og að myndatökumaðurinn hafi heyrt þetta.

„Guð minn góður.“

Segir Taylor þá.