Forbes skýrir frá þessu. Eigandi safnsins er Bandaríkjamaður sem vill ekki láta nafn síns getið.
Safnið samanstendur af 567 viskýflöskum og níu tunnum. Því verður skipt upp í 293 einingar þegar það verður boðið upp. Macallan viský er um helmingurinn af safninu, meðal annars er flaska af Macallan frá 1926 í því en hún ein er metin á sem svarar til um 65 milljóna íslenskra króna.
Einnig eru afbrigði af Mortlach, Glenlivet og Glenfiddich í safninu. Áhugasamir geta lesið sér nánar til um safnið á vef Sothebys.
Uppboðshúsið hefur eftir eiganda safnsins að hann hafi byrjað að safna viskýi og hafi fljótlega áttað sig á að ef hann legði mikinn tíma og væri vandfýsinn á viský gæti honum tekist að koma upp mikilvægu og einstöku safni. Eftir tveggja áratuga söfnun finnist honum safnið einstakt og nú sé hann reiðubúinn til að deila safninu með söfnurum um allan heim.