Breskir löggæslumenn lögðu nýlega hald á 104 kíló af gulli á Heathrow flugvellinum í Lundúnum. Gullið var á leið til Sviss frá Cayman eyjum. Verðmæti gullsins er sem svarar til rúmlega 620 milljóna íslenskra króna. Talið er að gullið hafi verið í eigu eiturlyfjahrings í Suður-Ameríku.

Það hafði verið sent frá Venesúela til Cayman eyja með einkaflugvél. Það var síðan í síðasta mánuði sem löggæslumenn á Heathrow fundu það og lögðu hald á það. Dómari hefur nú kveðið upp úr um að gullið verði gert upptækt í ríkissjóð þar sem það hafi verið illa fengið þar sem það sé afrakstur hvítþvættis.

Breska lögreglan vinnur nú að frekari rannsókn málsins og reynir að komast að uppruna þess. Sky skýrir frá þessu.