Í mars síðastliðnum var greint frá því að afkomendur Reimann-fjölskyldunnar, sem á þýska fyrirtækið JAB Holding, hefðu notað stríðsfanga og vinnuþræla þegar Nasistar voru við völd í Þýskalandi á tímum seinni heimsstyrjaldarinnar. JAB Holding er eigandi Krispy Kreme, Pret A Manger og Panera Bread svo eitthvað sé nefnt.
Peter Harf, talsmaður fyrirtækisins, segir við NBC News að fyrirtækið ætli að gera upp þessu „ógeðslegu fortíð“ og hafa 5,5 milljónir dala þegar runnið til samtakanna Claims Conference sem aðstoða þá sem sættu ofsóknum á tímum seinni heimsstyrjaldarinnar og afkomendur þeirra. Þá verður 28 milljónum dala varið árlega á næstu árum í fræðslu um helförina.
JAB Holding varð til eftir að fyrirtækinu Benckiser í Þýskalandi var skipt upp. Benckiser var stofnað af Albert Reimann eldri og Albert Reimann yngri en báðir voru þeir í Nasistaflokknum.
