Lík Lindsay fannst grafið í skóglendi skammt frá heimili hennar í Moncoin í gær og leiddi bráðabirgðaniðurstaða krufningar í ljós að hún hafði verið kyrkt.
Lindsay hafði búið í Dóminíska lýðveldinu í um tuttugu ár og skrifað bækur um ýmis málefni. Í einni þeirra skrifaði hún meðal annars um það þegar hún varð fyrir skotárás í landinu árið 2006. Brotist var inn á heimili hennar og var Lindsay stálheppin að komast lífs af. Þá skrifaði hún um þá ákvörðun sína að elta draum sinn og flytja frá Bretlandi til Dóminíska lýðveldisins og gerast köfunarkennari.
Rannsókn á málinu stendur yfir en í breskum fjölmiðlum kemur fram að eiginmaðurinn og stjúpsonurinn séu ekki þeir einu sem liggja undir grun í málinu.