Charlie Dent, fyrrum þingmaður repúblikana í fulltrúadeild Bandaríkjaþings, segir að sumir fyrrum samflokksmanna hans á Bandaríkjaþingi hafi í trúnaði sagt honum að þeir séu „fullir viðbjóðs og útkeyrðir vegna hegðunar forsetans“.

Þetta sagði Dent í þættinum Newsroom á CNN en Dent er pólitískur álitsgjafi hjá sjónvarpsstöðinni. Hann sagði að þingmennirnir standi með forsetanum þessa stundina vegna þrýsting frá flokknum en „þeim gremjist að vera stöðugt settir í þessa stöðu“.

Hann sagði að ríkisstjórn Trump hafi reynt að beina athyglinni frá „Úkraínu hneykslinu“ með því að tilkynna að leiðtogafundur G7 á næsta ári yrði haldinn á Trump National Doral en þeirri ákvörðun var síðar breytt.

„Hér er farið úr einni spillingunni yfir í aðra.“

Sagði hann og bætti við að hann telji atburði sem þessa gera þingmennina bálreiða og að þeir vilji gjarnan losna undan þessu en geti það ekki vegna þrýstings innan flokksins.