Þann 21. nóvember fann hinn 87 ára gamli All Norbert Schemm að dauðinn nálgaðist en hann var með krabbamein á lokastigi. Hann átti sér hinstu ósk sem hann náði að láta rætast. Hún var að hann vildi drekka bjór saman með þremur uppkomnum sonum sínum með eiginkonu sína sér við hlið.

Þessi ósk hans rættist og var þessi fallega stund mynduð af sonarsyni hans, Adam Schemm, sem birti myndina á Twitter þar sem hún fór á mikið flug.

BBC skýrir frá þessu. Ástin sem er vel greinileg á myndinni hefur snert við hjörtum fólks um allan heim og hafa mörg hundruð þúsund manns líkað við myndina og mörg þúsund hafa tjáð sig um hana.

Adam segir að afi hans hafi alla tíð verið heilsuhraustur eða þar til krabbamein náði tökum á honum.

„Faðir minn sagði mér að afi ætti sér þá hinstu ósk að drekka síðasta bjórinn. Þegar ég horfi á þessa mynd er það mér mikil huggun. Ég sé að afi brosir og er hamingjusamur. Hann gerir það sem hann vildi. Þetta var falleg stund.“

My grandfather passed away today.

Last night all he wanted to do was to have one last beer with his sons. pic.twitter.com/6FnCGtG9zW

— Adam Schemm (@AdamSchemm) November 21, 2019